Үздксіз білім беру орталығы
Көкшетау жоғары медициналық колледжінің әкімшілігі
Көкшетау жоғары медициналық колледжінің әкімшілігі 2021 жылдың екінші тоқсанына арналған Үздіксіз білім беру орталығының базасында орта медицина қызметкерлері үшін біліктілікті арттыру циклдері бекітілген кестеге сәйкес қашықтықтан өткізілетін болады.
Біліктілікті арттыру циклдеріне қабылдау үшін қажетті құжаттарды тізімге сәйкес opkkmk@mail.ru электронды поштаға жібереміз.
Орталық медициналық колледждің құрылымдық бөлімшесі болып табылады, біліктілікті арттыру бөлімшесі ретінде 1990 жылғы 1 қыркүйекте Қазақстан Республикасы Денсаулық сақтау министрінің 02.08.1990 жылғы № 503 бұйрығымен ашылды, 2014 жылы Ақмола облысы Денсаулық сақтау басқармасының бұйрығымен колледж базасында Ақмола облысы бойынша өңірлік симуляциялық орталық ашылды, 2015 жылы біліктілікті арттыру бөлімшесі мен өңірлік симуляциялық орталық үздіксіз білім беру орталығы болып қайта аталды. Орталықтың мақсаты: үздіксіз кәсіби даму және қосымша білім беру бағдарламаларын жүзеге асыруға бағытталған білім беру қызметі. Орталықтың міндеті: үздіксіз білім беру арқылы бар кәсіби құзыреттіліктерді жетілдіру және жаңа кәсіби құзыреттіліктерді алу болып табылады. Қызметі: үздіксіз білім беру орталығы медицина қызметкерлеріне қосымша білім берудің барлық түрлерін (күндізгі, қашықтықтан оқыту) жүзеге асырады: біліктілікті арттыру - 2 кредиттен (60 сағат) 10 кредитке (300 сағат) дейін, сертификаттау курстары - 15 (450 сағат) 60 кредитке (1800 сағат) дейін. ҚР медициналық ұйымдарының өтінімдері бойынша шебер-кластар, семинарлар, тренингтер.
Медицина қызметкерлерінің біліктілігін арттыру НҚА сәйкес жүргізіледі: ҚР ДСМ 2020 жылғы 30 қарашадағы № 218 бұйрығы; ҚР ДСМ 2020 жылғы 21 желтоқсандағы № 303 бұйрығы; ҚР ДСМ 2020 жылғы 21 желтоқсандағы № 305 бұйрығы.
Үздіксіз медициналық білім беру маңызды фактор болып табылады, медициналық қызметкерге бүкіл еңбек қызметі барысында кәсіби құзыреттіліктің қажетті деңгейін ұстап тұруға мүмкіндік береді, осыған байланысты практикалық денсаулық сақтаудың басым бағыттары бойынша оқу бағдарламалары әзірленді және іске асырылуда, инновациялық білім беру тәсілдерін енгізу арқылы оқытудың икемді нысандары қолданылады: тұтынушыға бағдарланған өңірлік сұранысты ескере отырып, тренингтер, семинарлар, шебер-кластар. Мұны халықаралық стандарттарға бағытталған тиісті материалдық-техникалық база, жоғары білікті педагогикалық құрам және жақын сектораралық өзара іс-қимыл қолдайды. Оқыту мемлекеттік және орыс тілдерінде жүргізіледі. Педагогикалық процесті колледждің штаттық оқытушылары және бірінші және жоғары біліктілік санатындағы медициналық ұйымдардың тәжірибелі дәрігер мамандары медициналық, санитарлық-профилактикалық және дәріхана ұйымдарының базасында жүзеге асырады.
